Koppsetingar og koppsetingartilmæli

Í Føroyum ber til at fáa ókeypis koppsetingar, um tú lýkur ávís krøv.

Heilsustýrið hevur eina góða kunningarsíðu um koppsetingar. Hon kann lesast her:
https://www.heilsustyrid.fo/fo/borgari/koppseting

Koppsetingartilmælini kunnu í høvuðsheitum býtast í hesar bólkar:
(Trýst á yvirskriftina fyri at lesa meiri um hesi evni)

Barnakoppsetingar:

Her er talan um t.d. MFR, Polio og Stívkrampa, men eisini um HPV-koppseting, sum vanliga verður givin, tá barnið er umleið 11-12 ára gamalt.

Influensakoppseting:

Her snúgva tilmælini seg serliga um at verja tey, sum á einhvønn hátt eru útsett. Málbólkarnir eru m.a. eldri fólk, fólk við varandi sjúku og heilsustarvsfólk.

Covid-19 -koppseting:

Talan er um eina lutfalsliga nýggja sjúku og koppseting, men handfaringin og koppsetingartilmælini í.s.v. Covid-19 kunnu nú í stóran mun samanberast við influensa.

Pneumokokkkoppsetingar:

Her er talan um at verja fólk, sum eru í serligum vanda at fáa lungnabruna ella aðrar álvarsligar sjúkur. Ímeðan koppsett verður fyri influensa- og covid-19-koppsetingarnar hvørt ár, ganga vanliga nøkur ár ímillum pneumokokkkoppsetingarnar.

Tilboðini um ókeypis koppseting eru skipaði sambært lóggávu og kunngerð.

Niðanfyri eru leinki til mest viðkomandi kunngerðir og lóggávu:
Løgtingslóg nr. 118 frá 12. desember 2007 um ókeypis koppseting móti ávísum smittandi sjúkum

https://logir.fo/Kunngerd/148-fra-25-09-2025-um-okeypis-koppseting-imoti-avisum-smittandi-sjukum-oa